Tregu botëror i naftës po jep sinjale stabilizimi pas muajsh të tërë pasigurie dhe rritjesh të forta të çmimeve, duke shtuar pritshmëritë për një ulje të kostos së karburanteve.
Sipas raportit të fundit të Agjencisë Ndërkombëtare të Energjisë (IEA), gjatë tremujorit të fundit të vitit 2026, prodhimi global i naftës pritet të tejkalojë kërkesën për herë të parë që nga nisja e luftës në Iran.
Agjencia parashikon një suficit prej rreth 1.7 milionë fuçish në ditë, kryesisht falë rikuperimit të eksporteve nga vendet e Lindjes së Mesme.
Ky zhvillim pritet të ulë presionin mbi çmimet ndërkombëtare, pas ndërprerjeve të furnizimit që kishin shkaktuar rritje të ndjeshme në tregjet energjetike.
Sipas IEA-s, çmimi i naftës bruto ka rënë ndjeshëm nga nivelet maksimale të tetorit, ndërsa për vitin 2027 parashikohet një suficit edhe më i madh.
Megjithatë, agjencia paralajmëron se furnizimi me produkte të rafinuara, veçanërisht me naftë diesel, mbetet i kufizuar. Për këtë arsye, ulja e çmimeve në pikat e karburantit mund të kërkojë kohë. /skyweb.al
