Mary E. Brunkow, Fred Ramsdell dhe Shimon Sakaguchi janë shpallur fitues të Çmimit “Nobel” në Mjekësi për vitin 2025, për zbulimet e tyre mbi mekanizmat që rregullojnë sistemin imunitar të njeriut.
Sipas Asamblesë së Nobelit, kërkimet e tyre kanë hedhur dritë mbi mënyrën se si qelizat imunitare kontrollojnë reagimet e trupit për të mos e sulmuar vetveten, një zbulim që ka hapur rrugën për trajtime të reja kundër kancerit dhe sëmundjeve autoimune.
Të tre shkencëtarët do të ndajnë shpërblimin prej 11 milionë kronash suedeze (rreth 1.17 milionë dollarë amerikanë). Çmimi u njoftua sot nga Asambleja e Nobelit në Stokholm, duke shënuar edhe hapjen e sezonit të ndarjes së gjashtë çmimeve vjetore Nobel. /skyweb.al
