Ministria e Financave organizoi sot një takim konsultativ me grupet e interesit për projektligjin “Për sigurimin e detyrueshëm të banesave nga tërmetet”.
Ministri Petrit Malaj vuri në dukje ndikimin e rëndë të tërmetit të 26 nëntorit 2029, që shkaktoi dëme me vlerë rreth 7.5% të GDP-së, duke nënvizuar nevojën për masa që reduktojnë efektet ekonomike të fatkeqësive natyrore.
“Nisur edhe nga fakti se Shqipëria është një vend me potencial sizmik, hartimi i këtij kuadri ligjor do të na shërbejë si një mekanizëm i qëndrueshëm financiar, pasi do të ofrojë mbrojtje reale për pronarët e banesave, duke siguruar kompensim të shpejtë dhe efikas për dëmet e shkaktuara nga tërmetet”, u shpreh Malaj.
Projektligji synon të krijojë një mekanizëm financiar të qëndrueshëm për kompensimin e shpejtë të dëmeve nga tërmetet, duke u bazuar në modele të suksesshme si Turqia dhe Rumania. Me zbatimin e tij pritet të përmirësohet menaxhimi i riskut dhe të krijohet Fondi Kombëtar për Tërmetet, për mbrojtjen afatgjatë të investimeve dhe stabilitetin ekonomik. /Skyweb.al
