Kreu i SPAK Altin Dumani raportoi sot në Kuvend. Deputeti I PD Klevis Balliu e pyeti lidhur me hetimet ndaj zv.kryeministres Belinda Ballukut dhe për disa nga çështjet që mund të jenë afera korruptive, si tuneli i Llogarasë apo termocentralet në Vlorë, për të cilat Balluku dyshohet se ka kryer korrupsion në postin e zv.kryeministres dhe ministres së Infrastrukturës dhe Energjisë.
Dumani tha se nuk ka asgjë për të thënë per cshtje ne hetim. Ndersa, pretendimit të Balliut se prokurori që po heton Ballukun, Dritan Prençi është në kërcënim, Dumani thekson se Prençi nuk i ka shprehur ndonjë shqetësim. “Për çështje në hetim s’kam për të dhënë asnjë koment. Prenci dhe të gjithë prokurorët kanë të gjithë mbështetjen time dhe përkrahjen time si prokurorë të posaçëm. S’më ka paraqitur shqetësim për kërcënime për shkak të funksionit të tim ka mbështetjen time dhe solidaritetin tim në hetimin e çdo çështje dhe siç thashë jo vetëm Prençi”, tha Dumani. /Skyweb.al
