Ndahet nga jeta në moshën 73-vjeçare ish kryeministri i Shqipërisë, Fatos Nano. Ish-kreu i Partisë Socialiste, ndodhej në reanimacion prej gati 1 muaji në spitalin “Hygeia”.
Gjendja e ish kryeministrit ishte e rëndë pas një arresti kardiorespirator dhe pavarësisht përpjejeve të mjekëve nuk mundi ta fitojë betejën.
Fatos Nano ka pasur prej kohësh probleme me mushkëritë dhe është shtruar disa herë në spital për trajtim mjekësor. Ai vuante nga sëmundja pulmonare obstruktive kronike (SPOK), një patologji që prek frymëmarrjen.
Nano u shkëput nga politika në vitin 2005 dhe ka qenë kryeministër gjatë viteve 1991, 1997-1998 dhe 2002-2005. Ai ishte themeluesi dhe kryetari i parë i Partisë Socialiste të Shqipërisë. /Skyweb.al
