Pas rritjes së lehtë të shënuar ditën e djeshme, dollari amerikan ka regjistruar një rënie të kuotës mëngjesin e sotëm, duke u blerë me 81.6 lekë dhe u shitur me 82.7 lekë, sipas kursit të këmbimit lokal.
Ndërkohë, monedha europiane vijon edhe këtë të enjte të paraqitet e qëndrueshme, pa luhatje të ndjeshme në vlerë, si krahasuar me fillimin e javës ashtu edhe me ditën e djeshme. Euro blihet sot me 96.1 lekë dhe shitet me 96.8 lekë.
Franga zvicerane ka shënuar sërish rritje të vlerës, ashtu si edhe një ditë më parë, duke vijuar trendin e saj pozitiv. Ajo është blerë këtë mëngjes me 102.6 lekë dhe është shitur me 103.6 lekë.
Nga ana tjetër, paundi britanik ka ruajtur qëndrueshmërinë, pa lëvizje të ndjeshme krahasuar me ditën e mërkurë. Në tregun e brendshëm valutor, paundi blihet sot me 109 lekë dhe shitet me 110.2 lekë. /Skyweb.al
