Pavarësisht perceptimeve mbi marrëdhëniet e shqiptarëve me bankat, të dhënat e Barometrit të Ballkanit së fundmi japin një panoramë interesante.
Shqipëria duke se shfaq një nivel të lartë besimi në bankat e vendit, sipas Anketës së Opinionit Publik të Barometrit të Ballkanit për vitin 2025. Sipas të dhënave rreth 47% e të anketuarve shqiptarë raportuan një “besim të madh” në sistemin bankar, ndërsa 30% shprehën një besim të konsiderueshëm. Vetëm 10% e qytetarëve thanë se nuk kishin aspak besim, duke treguar një klimë të qëndrueshme besimi ndaj institucioneve financiare.
Kur krahasohet me vendet e tjera të Ballkanit Perëndimor, Shqipëria renditet ndër vendet me performancë pozitive. Maqedonia e Veriut ka një normë pak më të lartë me 52% të të anketuarve që treguan besim të madh. Kosova ka një mesatare të ngjashme me Shqipërinë me 45% që shprehën besim të madh.
Në anën tjetër, vendet si Serbia dhe Mali i Zi raportuan nivele më të ulëta besimi, ndërsa Bosnja dhe Hercegovina shfaq një profil të ndryshëm, ku shumica e qytetarëve kanë besim të moderuar. Ky krahasim tregon se Shqipëria mbetet mes vendeve më të besueshme të rajonit në lidhje me sistemin bankar, duke reflektuar një stabilitet dhe besueshmëri të konsiderueshme për qytetarët.
Edicioni i vitit 2025 i Anketës së Opinionit Publik të Barometrit të Ballkanit u krye duke përdorur një qasje kërkimore sasiore dhe përbëhej nga një total prej 39 pyetjesh, duke përfshirë pyetjet demografike. Anketa e Opinionit Publik u krye me të paktën N=1,000 të anketuar të moshës 18+ në secilën prej ekonomive të BP6, me një total prej 6,012 të anketuarish për të gjithë rajonin e Ballkanit Perëndimor. /tvscan
