Nëse keni udhëtuar nga Aeroporti Ndërkombëtar i Tiranës, me siguri keni vënë re se avionët nuk nisen dhe nuk zbresin gjithmonë në të njëjtin drejtim.
Herë avionët ngrihen nga veriu i pistës, herë nga jugu, dhe e njëjta gjë ndodh edhe gjatë uljes. Kjo nuk është një dukuri e TIA-s, por e pjesës dërrmuese të aeroporteve në bote.
View this post on Instagram
Ky ndryshim, që shpesh ndodh edhe brenda pak orësh, nuk është i rastësishëm, por lidhet drejtpërdrejt me kushtet atmosferike dhe sigurinë e fluturimit.
Pista e aeroportit të Rinasit është e orientuar në boshtin veri-jug. Kjo do të thotë se avionët kanë dy opsione: ngritje ose ulje nga veriu, ose nga jugu.
Drejtimi përcaktohet nga kontrolli i trafikut ajror, në bazë të kushteve të erës duke patur parasysh sigurinë maksimale të udhëtarëve.
Avionët gjithmonë ngrihen dhe ulen përballë erës, sepse kjo i ndihmon të fitojnë më shumë ngritje gjatë nisjes dhe të frenojnë më shpejt gjatë uljes.
Nëse do të vepronin me erën nga pas, do të kishin më pak stabilitet dhe më shumë vështirësi në përdorimin e pistës.
View this post on Instagram
Në zonën e Tiranës dhe Fushë Krujës, drejtimi i erës ndryshon shpesh gjatë ditës, për shkak të lëvizjeve të ajrit midis fushës, maleve dhe afërsisë me bregdetin. Kështu, në mëngjes një avion mund të ngrihet nga veriu, ndërsa pasdite nga jugu, gjithmonë në përputhje me drejtimin e erës së momentit.
Ndaj, herën tjetër që fluturoni nga Rinas dhe shihni se avioni merr drejtim të ndryshëm nga ai që prisnit, mos u habisni: është thjesht një rregull bazë i aviacionit për të garantuar sigurinë e çdo fluturimi.
Shijojeni!
/skyweb.al
