Si pasojë e rrëshqitjeve të dherave dhe inerteve në aksin Qafë Plloçë–Qukës, qarkullimi i mjeteve është ndërprerë përkohësisht. Masa është marrë për të garantuar sigurinë, pas një aksidenti automobilistik të ndodhur paraditen e sotme.
Policia e Qarkullimit Rrugor e Korçës dhe Elbasanit ka devijuar trafikun drejt rrugëve alternative, ndërsa patrulla policie janë vendosur në hyrje të Qafë Plloçës dhe Qukësit për të bllokuar hyrjen në aksin e ri.
Rruga do të mbetet e mbyllur deri në përfundimin e pastrimit të plotë të dherave dhe inerteve nga firma kontraktore dhe deri në garantimin e kushteve të sigurta për lëvizjen e automjeteve. /skyweb.al
