Tregu i automjeteve në Shqipëri gjatë vitit 2025 është karakterizuar nga diversitet dhe rritje e qëndrueshme, duke reflektuar ndryshime të dukshme në strukturën e flotës së mjeteve dhe në preferencat e qytetarëve.
Sipas të dhënave zyrtare të Drejtorisë së Përgjithshme të Shërbimeve të Transportit Rrugor, automjetet e regjistruara gjatë vitit 2025 kanë ardhur nga disa prej vendeve kryesore prodhuese në botë. Peshën më të madhe në treg e mban Republika e Koresë me 21.4%, e ndjekur nga Gjermania me 15.6% dhe Italia me 15.4%.
Në vijim renditet Kina me 9.1% të tregut, Zvicra me 8.4%, ndërsa Shtetet e Bashkuara të Amerikës zënë 8% të automjeteve të regjistruara gjatë vitit.
Paralelisht me zgjerimin e tregut, vihet re edhe një orientim gjithnjë e më i fortë drejt automjeteve miqësore me mjedisin. Gjatë vitit 2025 janë regjistruar gjithsej 6 mijë e 187 automjete plotësisht elektrike, duke shënuar një rritje prej 98%krahasuar me vitin 2024.
Të dhënat e DPSHTRR tregojnë se 44.4% e autoveturave me kilometra zero, të regjistruara në periudhën janar–dhjetor 2025, janë automjete plotësisht elektrike, ose 65% më shumë krahasuar me një vit më parë.
Rritja e ndjeshme e mjeteve elektrike në qarkullim po ndryshon gradualisht strukturën e flotës rrugore në vend dhe konsiderohet një zhvillim i rëndësishëm drejt uljes së ndotjes, kursimit të energjisë dhe ndërtimit të një sistemi transporti më të qëndrueshëm dhe më miqësor me mjedisin. /skyweb.al
