Në pikën e kalimit kufitar të Qafë Thanës është ndaluar përkohësisht qarkullimi i kamionëve, për shkak të punimeve që po kryhen me borëpastruese në segmentin hyrës drejt Maqedonisë së Veriut.
Burime nga policia kufitare bëjnë me dije se ndërhyrja po realizohet për pastrimin e rrugës nga bora, ndërsa ndalimi i mjeteve të tonazhit të rëndë do të zgjasë vetëm për disa orë.
Deri në përfundimin e punimeve, kamionët nuk lejohen të qarkullojnë, ndërsa lëvizja për mjetet e tjera vijon normalisht.
Me përfundimin e ndërhyrjes nga borëpastrueset, qarkullimi do të rinisë edhe për mjetet e tonazhit të rëndë. /skyweb.al
