Taksat e ulëta të miliarderëve po kthehen gjithnjë e më shumë në një problem për ekonominë, ndërsa debatet mbi mënyrën se si tatohet pasuria e madhe po intensifikohen në SHBA.
Sipas WSJ, propozimi i shtetit të Kalifornisë për një taksë të njëhershme mbi pasurinë e më të pasurve konsiderohet i vështirë për t’u zbatuar dhe me probleme në dizajn.
Taksat mbi pasurinë janë të komplikuara për administrim dhe ekziston rreziku që individët ultra të pasur të zhvendosen në juridiksione me politika fiskale më të favorshme, duke marrë me vete investime dhe vende pune.
Megjithatë, debati mbi nivelin real të tatimit që paguajnë miliarderët pritet të intensifikohet, pasi situata fiskale e SHBA përkeqësohet dhe hendeku i pasurisë vijon të zgjerohet.
Përqendrimi i pasurisë po ndikon gjithnjë e më shumë në ekonominë reale dhe në mënyrën se si shpërndahet barra fiskale në shoqëri.
Pavarësisht vështirësive praktike, presioni politik dhe publik për rishikimin e taksimit të pasurisë së madhe pritet të rritet, duke e mbajtur këtë çështje në qendër të debatit ekonomik në vitet në vijim. /WSJ
