Donald Trump ka reaguar përmes një postimi në Truth Social ndaj NATO-s dhe vendeve që, sipas tij, nuk pranuan të kontribuojnë në operacionin për hapjen e Ngushticës së Hormuzit. Ai i kritikoi këto shtete duke thënë se tani ankohen për rritjen e çmimeve të naftës, ndërsa i quajti edhe frikacakë.
“Pa SHBA-në, NATO është thjesht një tigër letre! Ata nuk deshën të përfshiheshin në luftën për të ndaluar një Iran me armë bërthamore.
Tani që lufta është fituar, pa ndonjë rrezik të madh për ta, ankohen për çmimet e larta të naftës që duhet të paguajnë. Megjithatë, nuk janë të gatshëm të ndihmojnë në hapjen e Ngushticës së Hormuzit, një operacion i thjeshtë ushtarak që është arsyeja kryesore e këtyre çmimeve të larta.
Do të ishte shumë e lehtë për ta, me rrezik minimal. Frikacakë, dhe këtë do ta mbajmë mend,” shkroi Trump. /skyweb.al
