Në një moment të pazakontë gjatë një samiti ndërkombëtar për teknologjinë dhe arsimin, Zonja e Parë e SHBA-së, Melania Trump, u shfaq e shoqëruar nga një robot humanoid, duke tërhequr vëmendjen e të gjithë pjesëmarrësve.
Ngjarja u zhvillua në Shtëpinë e Bardhë në kuadër të samitit “Fostering the Future Together”, ku morën pjesë përfaqësues nga dhjetëra vende të botës. Në hyrje, Trump eci krah për krah me robotin e quajtur “Figure 03”, i cili më pas mbajti edhe një fjalim të shkurtër para të ftuarve.
Roboti, i zhvilluar nga kompania Figure AI, përshëndeti të pranishmit në disa gjuhë dhe u prezantua si pjesë e një nisme që synon të fuqizojë edukimin përmes inteligjencës artificiale.
Gjatë fjalës së saj, Trump theksoi se inteligjenca artificiale dhe robotët humanoidë mund të luajnë një rol kyç në të ardhmen e arsimit, duke ofruar mësim të personalizuar për nxënësit dhe akses më të gjerë në dije.
Kjo paraqitje shënon një moment historik, pasi roboti konsiderohet si “mysafiri i parë humanoid” në Shtëpinë e Bardhë, duke simbolizuar ndikimin gjithnjë në rritje të teknologjisë në politikë dhe shoqëri. /skyweb.al
