British Aerospace solli një qasje ndryshe në vitet ’80 me projektimin e BAe-146, një avion rajonal me katër motorë, në një kohë kur tregu dominohej nga dizajnet me dy motorë.
Zgjedhja për të përdorur katër motorë Lycoming ALF 502 u bë për të ulur kostot e prodhimit, duke u mbështetur në komponentë të gatshëm në treg dhe për të përmbushur objektivat e rrepta të brendshme financiare.
Dizajnerët argumentonin se motorët më të vegjël do të ishin më të lehtë për mirëmbajtje dhe më të përshtatshëm për pistat e shkurtra rajonale.
Konfigurimi me krahë të gjerë dhe katër motorë i jepte avionit më shumë qendrueshmëri, performancë më të mirë në lartësi të mëdha dhe temperatura të larta, si dhe aftësi për t’u ngritur nga pista të shkurtra.
Fokus i veçantë iu kushtua edhe uljes së kostove operative.
Përdorimi i motorëve të disponueshëm gjerësisht uli ndjeshëm shpenzimet e inventarit dhe të mirëmbajtjes, ndërsa arkitektura e thjeshtë e komponentëve e bëri avionin tërheqës për linjat rajonale.
Megjithëse më vonë motorët e vegjël katërsh u bënë më pak ekonomikë me zhvillimin e teknologjisë së re, BAe-146 mbetet i njohur për adaptueshmërinë, performancën e qetë dhe aftësinë STOL (short take-off and landing-ngjitje dhe ulje në pistë të shkurtër).
Këto cilësi e bënë një mjet të vlefshëm në aeroporte me kufizime piste ose rregulla të rrepta për ndotjen akustike.
Nga këto avionë ka pasur në përdorim edhe ish-kompania shqiptare Albanian Airlines (mos u ngatërroni me Air Albania), që operonte dikur.
Madje, një prej këtyre BAe-146 ndodhet ende i parkuar në pjesën veriore të Aeroportit Ndërkombëtar të Tiranës, megjithëse tashmë pa katër motorët e tij. /skyweb.al
