Kryeministri Edi Rama ka prezantuar skemën e re të bonusit të bebeve, e cila parashikon mbështetje financiare mujore për familjet shqiptare për një periudhë pesëvjeçare.
Përmes një postimi në rrjetet sociale, Rama bëri të ditur se skema e re pritet të nisë zbatimin më 1 korrik 2027, ndërsa masa e përfitimit do të përcaktohet në bazë të numrit të fëmijëve në familje.
Sipas njoftimit, mbështetja financiare do të jetë:
5,000 lekë në muaj për fëmijën e parë, ose 300 mijë lekë në total për pesë vite.
7,000 lekë në muaj për fëmijën e dytë, ose 420 mijë lekë në total për pesë vite.
10,000 lekë në muaj për fëmijën e tretë, ose 600 mijë lekë në total për pesë vite.
Me këtë skemë të re, qeveria synon të ofrojë një mbështetje më të qëndrueshme ekonomike për familjet me fëmijë, duke e shtrirë përfitimin në një periudhë pesëvjeçare.
Skema pritet të hyjë në fuqi më 1 korrik 2027.
/skyweb.al
