Situata në Ngushtica e Hormuzit mbetet e tensionuar, pasi Irani ka rikthyer një regjim të kufizuar dhe të monitoruar kalimi, nën mbikëqyrjen e Garda Revolucionare Iraniane.
Sipas agjencisë shtetërore IRIB, kjo masë erdhi si reagim ndaj vazhdimit të bllokadës amerikane, pavarësisht hapave të ndërmarrë nga Teherani për të lehtësuar qarkullimin detar.
Raportimet tregojnë se shumë anije cisternë që transportonin naftë nga vendet e Gjirit janë detyruar të kthehen pas, pasi janë ndaluar nga njësitë iraniane gjatë përpjekjes për të kaluar nëpër ngushticë. Autoritetet iraniane bëjnë të ditur se që nga e premtja, kur u rikthye kalimi i kontrolluar, vetëm një numër i kufizuar anijesh është lejuar të kalojë.
Zëdhënësi i presidentit iranian deklaroi se hapja e pjesshme e rrugës detare tregon gatishmërinë e Iranit për të avancuar drejt paqes. Ndërkohë, ministri i Jashtëm Abbas Araghchi njoftoi se ngushtica do të qëndrojë e hapur deri të martën, kur përfundon armëpushimi i përkohshëm mes Iranit dhe SHBA-ve.
Nga ana tjetër, presidenti amerikan Donald Trump e cilësoi zhvillimin si një ditë pozitive dhe falënderoi Iranin për bashkëpunimin. Megjithatë, ai theksoi në rrjetet sociale se bllokada amerikane ndaj Hormuzit do të vazhdojë derisa të arrihet një marrëveshje e plotë me Teheranin.
Trump shprehu optimizëm se bisedimet mund të rifillojnë gjatë fundjavës, me ndërmjetësimin e Pakistanit, por deri tani nuk ka sinjale konkrete për përparim në këtë drejtim. /skyweb.al
