Kryeministri Edi Rama ka folur për CNN International për çështjen e projektin e Zvërnecit. Kreu i qeverisë ka hedhur poshtë ato që i cilëson si lajme të rreme mbi “protesta në mbarë Shqipërinë”, duke saktësuar se bëhet fjalë për një tubim në kryeqytet.
Sipas tij nuk ekziston një gjë e tillë si “ishulli i familjes Trump” në vendin tonë.
“Ne jemi në një luftë hibride. Shqipëria është nën sulm nga armiq që i njohim shumë mirë. Është nën sulm nga konkurrenca shumë e fortë në pjesën tonë të Mesdheut. Është nën sulm nga mijëra e qindra mijëra profile të rreme (bots) që janë krijuar për të shkaktuar gjithë këtë stuhi. Dhe sigurisht, në këtë protestë ka njerëz me qëllime të mira, të rinj që në përgjithësi janë të interesuar për mjedisin, por që janë keqinformuar në masë të madhe. Nuk ekziston diçka e tillë si familja e presidentit amerikan që po merr nën kontroll zonat e mbrojtura me flamingo”, ka thënë Rama. /skyweb.al
