Gjatë një daljeje për mediat, Kryeministri Edi Rama foli për procesin e verifikimit të transaksionit për blerjen e tokës në Zvërnec, duke e cilësuar pozitiv vendimin e SPAK-ut për ngrirjen e fondeve.
“Ndërkohë që nga ana tjetër, unë konsideroj po ashtu shumë pozitive që SPAK-u ka vendosur të mbajë të ngrira fondet pa i lënë të kalojnë tek shitësi, për të cilin ka një proces hetimor”, tha Rama.
Sipas tij, hetimi i SPAK-ut do të sjellë një sqarim të plotë mbi origjinën e pronës dhe fondeve, duke i dhënë fund spekulimeve dhe pretendimeve të pabazuara.
“Në rast se shitësi ka një origjinë legjitime të pronës, do marrë paratë. Në rast se nuk e ka, natyrisht që paratë do t’i mbeten Republikës së Shqipërisë, dhe patjetër që ato do të përdoren për cilindo që do të provojë se pretendimin mbi pronën e ka të bazuar”, u shpreh kryeministri.
“Kështu që këtu merr fund çdo lloj shqetësimi i atyre që janë pretendentë të sinqertë të pronës”, përfundoi Rama.
