• Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
  • Kush jemi ne
  • Politika e Privatësisë
E hënë, 16 Nëntor, 2026
  • Hyr
SkyWeb.al
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
Nuk u gjet asnjë rezultat
Shiko të gjitha
SkyWeb.al
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
Nuk u gjet asnjë rezultat
Shiko të gjitha
SkyWeb.al
Nuk u gjet asnjë rezultat
Shiko të gjitha
Kreu Ekonomi

Si Shoqata e Bankave fshehu skandalin e mikrokredive

SkyWeb Nga SkyWeb
26 Shtator, 2025
në Ekonomi, Kryesore
A A
Si Shoqata e Bankave fshehu skandalin e mikrokredive
Share on FacebookShare on WhatsApp

Skandali i mikrokredive ka dhjetëra përgjegjës, ku shqiptarët u mashtruan dhe u zhvatën për vite me radhë në “sytë” e të gjithë bankierëve, të cilët vetëm sa fërkonin duart kur merrej kësti i radhës. Një abuzim i frikshëm, i cili është lejuar rëndom nga institucionet ligjzbatuese apo edhe ato kontrolluese, ku në këtë rast dështoi edhe organi më i lartë, Banka e Shqipërisë.

Zvarritjet e Këshillit Mbikëqyrës, apo drejtuesve e organeve të tjera, për të marrë një vendim të shpejtë, solli mijëra viktima të skemës financiare si dhe viktima me humbje jete, siç ishte rasti i Pal Trashaj që u vetëflijua në dyert e SPAK-ut. Por, akoma më e frikshëm ishte neglizhenca apo përfshirja e disa strukturave të tjera për të “fshehur” këtë skandal.

Një nga rolet më aktiv për të minimizuar përfshirjen e Bankës së Shqipërisë, apo edhe të bankave të nivelit të dytë, e kishte edhe Shoqata Shqiptare e Bankave. Një organ që vepron për të mbuluar skandalet e njëpasnjëshme të sektorit bankar, duke bërë edhe “rolin” e zëdhënësit.

Në këtë rast, këtë rol e ka marrë as më shumë e as më pak Spiro Brumbulli, një emër që është endur për vite me radhë në drejtimin e disa bankave. Prej disa vitesh, z. Brumbulli është zgjedhur Sekretar i Përgjithshëm i Shoqatës së Bankave. Por, që nga zgjedhja e tij në atë pozicion, çuditërisht lulëzoi edhe biznesi i mikrokredive, teksa ka dyshime se e gjitha është një skemë në sektorin bankar, me në krye vetë Brumbullin.

Roli i tij ka qenë koordinues në të gjitha bankat e nivelit të dytë, duke u kthyer me dashje në një “zëdhënës” të tyre, megjithëse disa banka të nivelit të dytë ishin të përfshira direkt në këtë skemë.

Burime nga organet e drejtësisë i thanë redaksisë së VoxNews se janë disa banka që janë përfshirë më shumë në këtë skemë, edhe të ish–punëdhënësve të tij, para se të katapultohej në shoqatë, duke e kthyer në një “qokë” për vete, familjarët apo edhe miqtë e tij.

Aktualisht, Brumbulli menaxhon financat e Shoqatës së Bankave, duke marrë kuotizacione me apo pa letra. Këto para’ dyshohet se janë fitimet e bankave të nivelit të dytë nga skandali i mikrokredive, teksa ai vetë ka dalë me dhjetëra herë në media duke hequr përgjegjësinë nga bankat për t’ua vënë përmbaruesve.

“Një përmbarues e mbyll tërë procesin e shitjes brenda zyrës së tij. Ka aq shumë problematika në mënyrën e ekzekutimit të pronave të mikrokredive,” tha ai në një dalje publike, duke zhvendosur fokusin nga përgjegjësit te nën përgjegjësit.

Në fakt, përmbaruesit janë hallka zbatuese e parregullsive, pasi përgjegjësit kryesorë janë bankat e nivelit të dytë që shitën kreditë e këqija, duke i mbytur me gjoba e detyrime të paqena. Por, edhe pasi iu shitën shoqërive të mikrokredive, këto banka të nivelit të dytë sërish iu dhanë kredi qytetarëve, por këto para asnjëherë nuk kaluan në llogarinë apo xhepat e qytetarëve, por shkuan te xhepat e shoqërive të mikrokredive.

Për këtë skandal dhe idesë që shteti të blejë kreditë e këqija, Brumbulli tha se “është një marrëdhënie mes privatëve”. Natyrisht që po, pasi kështu pasurohen bankierët, ata që krijojnë këto shoqëri, njerëzit e afërt me shoqatën apo edhe me Bankën e Shqipërisë. Brumbulli ka mbrojtur shpeshherë “krimin”, duke thënë se “janë 26 institucione financiare të cilat mbikëqyren nga Banka e Shqipërisë, ne po flasim për rastin e dy institucioneve që janë bërë problem, MCA dhe një tjetër”.

Ai ka qenë zëdhënës edhe i Bankës së Shqipërisë, e cila nuk ka vepruar me shpejtësi, duke lejuar këtë abuzim të frikshëm. “Nga 26, janë 2 dhe nuk është se nuk kanë qenë nën mbikëqyrje. Janë marrë masa nga Banka e Shqipërisë. Në 2022 i është lënë 1 vit kohë të bënin rregullimet, pas një viti nuk bën rregullimin iu dha 6 muaj kohë të shisnin portofolin”, pohoi ai.

Por, cilët janë “klientët” e Brumbullit dhe përse i mbron në këtë skandal?!

Deklaratat e tij në publik janë hedhja “hi syve” shqiptarëve për të devijuar përgjegjësinë nga bankat e nivelit të dytë te disa individë.

“Nga gjithë portofoli i kredive të këqija u shitën ato konsumatore, për shkak se ishin më të thjeshta dhe kostoja e tyre për t’u rikthyer është shumë e lartë. Bankat donin të pastronin librat dhe portofolin e tyre”, tha Brumbulli sërish në këto daljet e skandalit, teksa sërish pohoi se “shoqëritë e mbledhjes së borxhit nuk merren vetë, sepse janë në përgjegjësinë e përmbaruesit”.

Natyrisht skema ishte e qartë në këto dalje, duke u bërë zëdhënësi i institucioneve që kishin përgjegjësi direkte. Në dosjen e Prokurorisë shkruhet mjaft qartë se “personat e marrë si të pandehur, fitimet nga kreditë e këqija i kanë investuar në banka si llogari investimi ose si obligacione thesari”. Pra, investimet janë bërë në bankat ku këta persona kanë blerë kredi të këqija dhe pasi zhvatën qytetarët, i kanë ri investuar në këto banka.

A nuk janë përgjegjëse këto banka të nivelit të dytë?!

Brumbulli ka pasur direktivën për një mbrojtje të gjithë anshme, pasi nga hetimet është zbuluar se disa banka të nivelit të dytë i kanë shitur mijëra portofole me kredi të këqija MCA dhe FINAL. Ndërkohë, që të pandehura Elda Ibro i ka investuar paratë në bankat e nivelit të dytë në formë obligacionesh. Investime ka pasur edhe i ndjeri Olsi Ibro dhe Arben Meksuti.

Sipas dosjes së prokurorisë, të cilën e ka hulumtuar edhe VoxNews, dy bankat e nivelit të dytë, Raiffeisen dhe Procredit, janë në aferën e mikrokredive, ku dyshohet se shqiptarët janë zhvatur në shumën e plot 40 milionë eurove. Akuza ka faktuar se edhe Procredit dhe Raiffeisen kanë pasur marrëdhënie preferenciale me kompani të tilla si MCA dhe Final, të cilat kanë blerë kreditë e pashlyera dhe kanë ushtruar presion ndaj qytetarëve për të marrë kredi të reja për të shlyer borxhet. /voxnews

Etiketat: shoqata e bankavespiro brumbulli
Artikulli para

Amerikanët dhe arabët, pronarët e rinj të TikTok

Artikulli pas

Familjet e viktimave në aksidente rrugore mund të përfitojnë dëmshpërblimin e bazuar në ligj pa nevojë ndërmjetësish

SkyWeb

SkyWeb

Nga Kategoria

Rritet TVSH për hotelet, 220 mijë shtretër jashtë sektorit hotelier! Topuzi: Qeveria po godet bizneset që paguajnë taksa
Ekonomi

Rritet TVSH për hotelet, 220 mijë shtretër jashtë sektorit hotelier! Topuzi: Qeveria po godet bizneset që paguajnë taksa

15 Nëntor, 2026
Paradoksi i Lidl në Ballkan, 100 milionë euro në Sarajevë, strategik në letër dhe zero tulla në Durrës
Ekonomi

Paradoksi i Lidl në Ballkan, 100 milionë euro në Sarajevë, strategik në letër dhe zero tulla në Durrës

15 Nëntor, 2026
80 euro dita dhe nuk gjejnë punëtorë! Pronarët grekë të dëshpëruar, rrezikojnë të lënë ullinjtë pa vjelë
Ekonomi

80 euro dita dhe nuk gjejnë punëtorë! Pronarët grekë të dëshpëruar, rrezikojnë të lënë ullinjtë pa vjelë

15 Nëntor, 2026
Sot Maratona e Tiranës, rrugët që bllokohen për qarkullim
Aktualitet

Sot Maratona e Tiranës, rrugët që bllokohen për qarkullim

15 Nëntor, 2026
Vapa shkakton krizë energjetike në Europë, pritet rritje e çmimeve para dimrit
Ekonomi

Familjet dhe bizneset e vogla mund të ndryshojnë furnizuesin e energjisë, ERE propozon skemën e re

14 Nëntor, 2026
Rama: Rritja e ekonomisë na mundëson uljen e TVSH-së për ushqimet dhe bonusin për pensionistët çdo vit
Ekonomi

Rama: Rritja e ekonomisë na mundëson uljen e TVSH-së për ushqimet dhe bonusin për pensionistët çdo vit

14 Nëntor, 2026
Artikulli pas
Familjet e viktimave në aksidente rrugore mund të përfitojnë dëmshpërblimin e bazuar në ligj pa nevojë ndërmjetësish

Familjet e viktimave në aksidente rrugore mund të përfitojnë dëmshpërblimin e bazuar në ligj pa nevojë ndërmjetësish

Të Përzgjedhura

Pse ndonjëherë bëhet shumë nxehtë brenda në avion dhe si e shmangin kompanitë ajrore këtë
Aviacion

Pse ndonjëherë bëhet shumë nxehtë brenda në avion dhe si e shmangin kompanitë ajrore këtë

Nga SkyWeb
22 Gusht, 2026
0

Nëse jeni nisur për udhëtim gjatë verës dhe keni qëndruar për disa minuta në një avion të parkuar, ndonjëherë mund...

Lexo të plotë
Fshihen gjobat dhe kamatëvonesat për kontributet, ISSH ka një njoftim të rendësishëm për fermerët

Fshihen gjobat dhe kamatëvonesat për kontributet, ISSH ka një njoftim të rendësishëm për fermerët

18 Shkurt, 2026
Rihapen bastet dhe Call Center-at, zyrtari që kërkon “tortën” shkaktoi “tërmet” në tregun e ilegalitetit? Rrezikohet “lufta” mes grupeve në terren 

Rihapen bastet dhe Call Center-at, zyrtari që kërkon “tortën” shkaktoi “tërmet” në tregun e ilegalitetit? Rrezikohet “lufta” mes grupeve në terren 

12 Tetor, 2026
S’ka më postë, bizneset debitore njoftohen online për borxhin tatimor

S’ka më postë, bizneset debitore njoftohen online për borxhin tatimor

3 Tetor, 2025
SPAK te Ermal Beqiri dhe rikthimi i Gerond Meçes pas përgjimeve të famshme, “tërmet” te tenderët e AKSHI-t

E BUJSHME/ Gerond Meçe u mor peng dhe u DETYRUA të tërhiqej nga ankimimi i tenderëve të AKSHI-t, çfarë ndodhi në 14 gusht

16 Dhjetor, 2025

Të Fundit

Rritet TVSH për hotelet, 220 mijë shtretër jashtë sektorit hotelier! Topuzi: Qeveria po godet bizneset që paguajnë taksa

Rritet TVSH për hotelet, 220 mijë shtretër jashtë sektorit hotelier! Topuzi: Qeveria po godet bizneset që paguajnë taksa

15 Nëntor, 2026
Fabrika e Çimentos në Fushë-Krujë jashtë kontrollit mjedisor? KLSH zbulon mosraportimin e ndotjes dhe mungesën e inspektimeve!

Fabrika e Çimentos në Fushë-Krujë jashtë kontrollit mjedisor? KLSH zbulon mosraportimin e ndotjes dhe mungesën e inspektimeve!

15 Nëntor, 2026
Paradoksi i Lidl në Ballkan, 100 milionë euro në Sarajevë, strategik në letër dhe zero tulla në Durrës

Paradoksi i Lidl në Ballkan, 100 milionë euro në Sarajevë, strategik në letër dhe zero tulla në Durrës

15 Nëntor, 2026
“Babagjyshi nuk jeton në Polin e Veriut”, Finlanda kërkon të korrigjojë adresën

“Babagjyshi nuk jeton në Polin e Veriut”, Finlanda kërkon të korrigjojë adresën

15 Nëntor, 2026
SkyWeb.al

Info

Skyweb.al është media online me profil ekonomik, e fokusuar në lajme të thelluara mbi ekonominë, financat, biznesin, turizmin dhe aviacionin civil.

Kontakt

Email: info@skyweb.al

NIPT: M51916003M

© 2026 SkyWeb.al - Zhvilluar nga eDigital.al

Nuk u gjet asnjë rezultat
Shiko të gjitha
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED

© 2026 SkyWeb.al - Zhvilluar nga eDigital.al

Mirësevini!

Hyni në llogarinë tuaj.

Keni harruar fjalëkalimin?

Riktheni fjalëkalimin

Ju lutem shkruani username ose email

Hyr