Kryeministri Edi Rama ka reaguar sërish për protestat kundër investimit në Zvërnec.
Në mesazhin e tij, Rama kritikoi ashpër komentuesit që, sipas tij, përdorin gjuhë fyese dhe sulme personale në rrjetet sociale, duke u bërë thirrje të respektojnë ambientalistët, qytetarët e shqetësuar dhe të drejtën e tyre për të protestuar.
“Merruni me mua sa të doni, se mua vetëm shëndet dhe vullnet më bëhen sharjet e mallkimet tuaja”, shkruan kreu i qeverisë, teksa kërkon uljen e toneve në debatin publik.
Rama solli si shembull rajonin e famshëm të Camargue në Francë, një nga ligatinat më të rëndësishme të Europës, për të argumentuar se mbrojtja e natyrës dhe zhvillimi ekonomik mund të ecin paralelisht.
