Kryeministri Edi Rama ka reaguar sërish në rrjetet sociale, duke komentuar protestat e qytetarëve q që po zhvillohen kundër projektit të investimit në Zvërnec.
Kreu i qeverisë i ka cilësuar tubimet si një “revolucion imagjinar i flamengove”, duke shprehur keqardhje për fjalimet e mbajtura atje.
Por Rama pranon se kreativiteti nga memet e krijuara është interesant dhe thotë se e argëton.
“Që të merremi vesh se mos krijohet bindja e gabuar që mua s’më pëlqen asgjë nga ky revolucioni imagjinar i flamingove.
Aq sa më ngjallin keqardhje me përzierje rropullish fjalimet krra-krra-krra, aq më argëton kreativiteti i memeve, për të cilat sinqerisht u përcjell përgëzime e falenderime autorëve, ndërkohë që më vjen keq vërtetë, që disa të preferuara të tjera nuk i postoj këtu dot se janë shumë të nxehta dhe kot melazëm na krijohen keqkuptime të reja, a thua s’na mjaftojnë këto që kemi për rreziqet imagjinare nga një projekt që do transformojë më tej Shqipërinë”, ka shkruar Rama.
/skyweb.al
