Presidenti i Shteteve të Bashkuara, Donald Trump, ka njoftuar vendosjen e një tarife prej 25% ndaj mallrave që importohen nga vendet që mbajnë marrëdhënie tregtare me Iranin.
Përmes një postimi në platformën e tij Truth Social, Trump deklaroi se masa hyn në fuqi menjëherë, duke theksuar se “urdhri është përfundimtar dhe i pakthyeshëm”.
Irani ndodhet prej kohësh nën sanksione të rënda amerikane dhe po përballet me një krizë të thellë ekonomike. Monedha vendase ka pësuar rënie të ndjeshme, ndërsa inflacioni i lartë ka shtyrë çmimet e ushqimeve deri në 70%. Meqë ushqimi përbën rreth një të tretën e importeve të vendit, kufizimet e reja tregtare pritet të përkeqësojnë më tej mungesat dhe koston e jetesës për qytetarët iranianë.
Kina mbetet partneri më i madh tregtar i Iranit, e ndjekur nga Iraku, Emiratet e Bashkuara Arabe, Turqia dhe India. Vendimi i Trump pritet të ketë ndikim të gjerë në tregtinë ndërkombëtare, duke rritur tensionet ekonomike dhe politike si në rajon ashtu edhe më gjerë. /skyweb.al
