Tregu i automjeteve në vend po përjeton një rritje të ndjeshme. Sipas të dhënave më të fundit të Drejtorisë së Përgjithshme të Shërbimeve të Transportit Rrugor, gjatë vitit 2025 janë regjistruar për herë të parë 98.927 mjete, një rritje prej 27% krahasuar me vitin 2023. Ky zhvillim tregon një kërkesë në rritje për automjete më të reja, më efikase dhe me standarde më të larta sigurie.
Pjesën më të madhe të kësaj rritjeje e përbëjnë autoveturat, të cilat dominojnë regjistrimet e reja. Gjatë vitit janë regjistruar 80.739 autovetura, që përfaqësojnë 81.6% të totalit të mjeteve të regjistruara për herë të parë. Kjo prirje pasqyron rritjen e përdorimit të automjeteve personale, si dhe nevojën për mobilitet më të shpejtë, më komod dhe më fleksibël.
