Në vitin 2025, pothuajse 140 mijë shtetas malazezë kanë fluturuar drejt ose nga Aeroporti Ndërkombëtar i Tiranës, duke shënuar një rritje prej 14% krahasuar me vitin 2024 sipas të dhënave të autoriteteve në Podgoricë.
Në këto të dhëna nuk përfshihen udhëtarët nga Mali i Zi që përdorin pasaporta të huaja.
Sipas statistikave, destinacionet më të preferuara për pasagjerët malazezë që udhëtojnë nga Tirana kanë qenë Italia dhe Spanja.
Rritja e numrit të qytetarëve të Malit të Zi që zgjedhin Aeroportin e Tiranës për të realizuar fluturimet dhe lidhjet e tyre ajrore ka sjellë shqetësim në vendin fqinj, i cili operon me disa aeroporte, por nuk arrin të gjenerojë të njëjtin volum pasagjerësh. /skyweb.al
