Dhoma e ulët e Parlamentit francez miratoi në orët e para të mëngjesit një projektligj që ndalon përdorimin e rrjeteve sociale nga të miturit nën moshën 15 vjeç, me synimin për të mbrojtur shëndetin e tyre.
I mbështetur nga qeveria, projektligji u miratua nga Asambleja Kombëtare me 130 vota pro dhe 21 kundër dhe tani do t’i kalojë për shqyrtim Senatit.
Nëse miratohet përfundimisht, Franca do të bëhej vendi i parë në Evropë që vendos një kufi të tillë moshe për aksesin në rrjetet sociale.
Kjo nismë përbën një prioritet për presidentin Emmanuel Macron, i cili e përshkroi votimin si një “hap të rëndësishëm”. /skyweb.al
