Greqia është shumë pranë marrjes së një vendimi për ndalimin e përdorimit të rrjeteve sociale nga fëmijët nën moshën 15 vjeç, bëri të ditur sot një burim qeveritar për agjencinë “Reuters”.
Ministria e Qeverisjes Digjitale është e gatshme të avancojë me këtë masë, duke e konsideruar aplikacionin “Kids Wallet”, të lançuar vitin e kaluar, si një instrument kyç për zbatimin e ndalimit.
Kryeministri grek, Kyriakos Mitsotakis, pritet të bëjë një njoftim zyrtar lidhur me këtë çështje, megjithatë ende nuk është përcaktuar data.
Ndërkohë, edhe Spanja ka paralajmëruar plane për ndalimin e rrjeteve sociale për fëmijët nën moshën 16 vjeç, si dhe hartimin e një ligji që do t’i mbajë drejtuesit e platformave sociale përgjegjës për gjuhën e urrejtjes të publikuar në to. /skyweb.al
