Detaje të reja janë bërë publike nga dosja e SPAK në lidhje me hetimin ku është përfshirë biznesmeni Ergys Agasi.
Sipas materialeve të hetimit, Agasit dyshohet se i janë vënë në dispozicion të dhëna që lidhen me disa telefona të zbërthyer dhe analizuar nga Policia Shkencore.
Në dosje pretendohet se këto materiale i janë dorëzuar Agasit nga Fatjon Kalluci, përgjegjës sektori në Institutin e Policisë Shkencore.
Sipas hetuesve, Kalluci dyshohet se i ka vënë në dispozicion biznesmenit aktet e ekspertimit të disa telefonave, të cilët ishin zbërthyer dhe analizuar më herët në laboratorin e Policisë Shkencore.
SPAK po heton rrethanat se si këto materiale janë siguruar dhe më pas janë vënë në dispozicion të Ergys Agasit, si dhe rolin që kanë pasur personat e përfshirë në këtë proces.
Hetimi vijon për të sqaruar mënyrën e sigurimit të të dhënave dhe nëse në këtë proces janë shkelur procedurat ligjore.
