Dollari amerikan, pas luhatjeve të vazhdueshme gjatë javës, e ka mbyllur periudhën në terren pozitiv, duke shënuar rritje krahasuar me ditën e djeshme. Sot, ai është blerë me 81.4 lekë dhe është shitur me 82.4 lekë.
Sipas kursit lokal të këmbimit, monedha europiane e ka përfunduar javën në nivele të qëndrueshme, pa ndryshime të ndjeshme nga dita e mëparshme, duke u blerë me 96.2 lekë dhe u shitur me 96.9 lekë.
Ndërkohë, franga zvicerane ka shënuar një rënie të lehtë të vlerës krahasuar me ditën e enjte. Ajo është blerë këtë mëngjes me 104.6 lekë dhe është shitur me 105 lekë, duke e mbyllur javën në vlera negative.
Nga ana tjetër, paundi britanik ka regjistruar rritje këtë të premte, duke u blerë me 110.3 lekë dhe u shitur me 111.3 lekë, në krahasim me ditën e kaluar, sipas tregut të brendshëm valutor.
