Aktualisht ekipet janë të angazhuara në pastrimin e masave të dherave në të dy krahët e rrugës ekzistuese, duke krijuar kushtet për vendosjen e sondave që do të mundësojnë studimin e detajuar gjeologjik dhe vlerësimin e qëndrueshmërisë së terrenit pas ngjarjes.
Në të njëjtën kohë, me angazhimin e mjeteve të rënda, po realizohet sistemimi i rrjedhës së lumit Shkumbin, i cili po orientohet në krahun e majtë për të liruar hapësirën e nevojshme për ndërtimin e një rruge të përkohshme alternative përgjatë linjës hekurudhore.
Pas përfundimit të analizës gjeologjike, pritet të rishikohet projekti i zbatimit për aksin e ri Elbasan–Librazhd–Qafë Thanë, ndërsa ARRSH ka bërë të ditur se do të vijojë të informojë publikun për çdo zhvillim të mëtejshëm lidhur me ecurinë e punimeve. /skyweb.al
