Sipas një artikulli të botuar në The Wall Street Journal, gjithnjë e më shumë drejtues kompanish po shprehin shqetësim se punonjësit e brezit të ri, veçanërisht ata të Gjeneratës Z, nuk po hyjnë në tregun e punës me aftësitë sociale dhe organizative të nevojshme për të pasur sukses.
Sipas WSJ, pjesa më e madhe e suksesit profesional nuk lidhet vetëm me njohuritë teknike, por me aftësinë për të menaxhuar marrëdhëniet në punë. Identifikimi i ekspertëve brenda organizatës, përballimi i kritikave nga eprorët, bashkëpunimi me kolegë me personalitete të ndryshme – të gjitha kërkojnë zgjuarsi sociale dhe inteligjencë emocionale.
Sipas vëzhgimeve të drejtuesve, shumë të rinj kanë vështirësi në:
Marrjen dhe dhënien e feedback-ut konstruktiv
Komunikimin profesional ballë për ballë
Zgjidhjen e konflikteve në ekip
Kuptimin e dinamikave informale të organizatës
Një nga arsyet kryesore lidhet me mënyrën si ky brez është rritur dhe është edukuar. Shumë pjesëtarë të Gen Z kanë kaluar një pjesë të rëndësishme të formimit të tyre gjatë pandemisë, me mësim online dhe ndërveprim të kufizuar fizik. Kjo ka ndikuar në zhvillimin e aftësive ndërpersonale.
Ndryshe nga brezat e mëparshëm, të cilët i kanë fituar këto aftësi gradualisht përmes përvojës direkte në zyra dhe ndërveprimeve të përditshme, Gen Z shpesh ka pasur më pak mundësi për të mësuar nga vëzhgimi apo nga gabimet në mjedise tradicionale pune.
Sipas studiuesve sugjeron se zgjidhja nuk është kritikimi i brezit të ri, por kuptimi i sfidave të tyre dhe investimi në zhvillim. Liderët duhet të:
Ofronë mentorim të strukturuar
Trajnojnë për aftësi komunikimi dhe menaxhimi të marrëdhënieve
Krijojnë kultura pune ku feedback-u është i qartë dhe i vazhdueshëm
Ndihmojnë të rinjtë të kuptojnë “rregullat e pashkruara” të organizatës
Në vend që të etiketohen si “brez i humbur”, të rinjtë e sotëm kanë nevojë për udhëzim dhe modele të qarta sjelljeje profesionale. Me mbështetjen e duhur, ata mund të zhvillojnë shpejt aftësitë që u mungojnë dhe të bëhen kontribuues të vlefshëm në organizata.
Sfida nuk është vetëm e Gen Z, por edhe e vetë kompanive: a janë ato të gatshme të investojnë në zhvillimin e brezit që do të udhëheqë të ardhmen?
/skyweb.al
