Medikamentet për humbje peshe të tipit GLP-1 mund të lidhen me një rrezik më të lartë për osteoporozë dhe pNjekr sëmundjen e rrallë metabolike të kockave, osteomalacinë. Një studim i fundit sugjeron se këto barna, të krijuara fillimisht për trajtimin e diabetit por që së fundmi po përdoren gjerësisht edhe nga personat që duan të humbasin peshë, mund të kenë ndikim në kocka dhe nyje. Sipas studiuesve, rënia e shpejtë në peshë mund të shkaktojë stres mbi sistemin muskulo-skeletor.
Gjithashtu, humbja e shpejtë e peshës mund të rrisë nivelin e acidit urik në organizëm, gjë që mund të çojë në formimin e gurëve. Një tjetër faktor i mundshëm është ulja e marrjes së ushqimit dhe e lëndëve ushqyese. Medikamentet GLP-1 janë lidhur më parë edhe me çrregullime në metabolizmin e kalciumit, një element thelbësor për shëndetin e kockave.
Ky njoftim vjen në një kohë kur janë raportuar edhe efekte të tjera anësore të këtyre barnave, si të përzierat, shqetësimet e stomakut, kapsllëku dhe probleme të tjera gastrointestinale.
Megjithatë, ekspertët theksojnë se studime të tilla tregojnë vetëm një lidhje të mundshme dhe jo domosdoshmërisht një marrëdhënie të drejtpërdrejtë shkak-pasojë. Sipas tyre, ndikim mund të kenë edhe faktorë të tjerë, si nivelet e ulëta të proteinave, kalciumit apo vitaminës D në organizëm.
Këto medikamente quhen GLP-1 sepse imitojnë veprimin e hormonit natyror GLP-1: ato ulin oreksin, ngadalësojnë procesin e tretjes dhe rrisin prodhimin e insulinës. Për këtë arsye, shpesh përmenden edhe si agonistë të receptorëve GLP-1 (GLP-1 RAs), pasi veprojnë në të njëjtët receptorë qelizorë si ky hormon. /skyweb.al
