Tensionet në Gjirin Persik janë përshkallëzuar ndjeshëm, duke hyrë në një fazë kritike. Nga Haga, kreu i NATO, Mark Rutte, konfirmoi se aleatët po përgatiten për një ndërhyrje në Ngushtica e Hormuzit, pas ultimatumit të ardhur nga Uashingtoni.
Sipas tij, një koalicion prej 22 shtetesh – përfshirë vende anëtare të NATO-s, si edhe partnerë ndërkombëtarë si Japonia, Australia dhe Emiratet e Bashkuara Arabe – po koordinojnë planet për të garantuar lirinë e lundrimit në këtë zonë strategjike.
“Më lejoni të them se është e rëndësishme që Presidenti dhe SHBA-të po e bëjnë këtë. E di që Presidenti ishte i zemëruar sepse ndjeu se aleatët evropianë kanë qenë shumë të ngadaltë. Lajmi i mirë është se që nga e enjtja, një grup prej 22 shtetesh janë bashkuar për të zbatuar vizionin e tij që Ngushtica e Hormuzit të jetë e lirë dhe të hapet sa më shpejt të jetë e mundur,” shprehet Mark Rutte, Sekretar i Përgjithshëm i NATO-s.
Rutte shtoi se operacioni do të zhvillohet në kushte të larta konfidencialiteti, për të siguruar suksesin e fazave të para të ndërhyrjes. /skyweb.al
