Aksi Qukës–Qafë Plloçë, një nga projektet rrugore më të kushtueshme në vend me një kosto rreth 260 milionë euro, vijon të shfaqë probleme të përsëritura.
Si pasojë e reshjeve të dendura të shiut, në hyrje të tunelit është regjistruar një rrëshqitje dherash, e cila ka rënë mbi karrexhatë. Në momentin e ngjarjes, një automjet që po qarkullonte në këtë segment është goditur nga materialet e rrëshqitura.
Sipas informacioneve paraprake, nga incidenti nuk ka persona të lënduar. Automjeti ka pësuar vetëm dëme materiale, kryesisht në pjesën e përparme.
Ngjarja rikthen vëmendjen te problematikat e vazhdueshme të këtij aksi rrugor, i cili prej vitesh është shoqëruar me vonesa, rrëshqitje dhe ndërhyrje të shpeshta, pavarësisht kostos së lartë të investimit. /skyweb.al
