Numri i diagnozave të autizmit është rritur ndjeshëm në 15 vitet e fundit, duke u katërfishuar në shumë vende. Një raport i OSBE tregon se vetëm gjatë dekadës së fundit, rastet e identifikuara janë shtuar çdo vit, duke reflektuar jo vetëm një rritje numerike, por edhe kompleksitet më të madh të diagnostikimit.
Studimi përfshiu 11 vende nga 38 anëtare, mes tyre Australia, Kanadaja, Danimarka, Estonia, Franca, Gjermania, Izraeli, Holanda, Suedia, Britania e Madhe dhe SHBA-të. Sipas të dhënave, Izraeli renditet i pari për rritjen më të lartë të diagnozave, me një shtim mesatar prej 16% në vit, që përkthehet në afro dhjetëfishim të rasteve gjatë 15 viteve.
Raporti thekson se kjo rritje lidhet me disa faktorë kyç, si përmirësimi i metodave të diagnostikimit, ndërgjegjësimi më i madh i prindërve dhe profesionistëve, si dhe identifikimi më i hershëm i çrregullimeve të zhvillimit te fëmijët.
Megjithatë, ekspertët paralajmërojnë se përtej përmirësimit të diagnostikës, mbetet shqetësuese edhe rritja reale e numrit të rasteve të autizmit në nivel global. /skyweb.al
