Një studim i ri i realizuar nga Pew Research Center, ka ngritur pikëpyetje mbi kredibilitetin e shumë influencerëve të shëndetit dhe mirëqenies në rrjetet sociale. Sipas të dhënave, një pjesë e madhe e personave që japin këshilla për ushqimin, stilin e jetesës apo shëndetin mendor nuk janë domosdoshmërisht mjekë apo infermierë.
Studimi zbulon se 41% e influencerëve të analizuar e përshkruajnë veten si profesionistë të kujdesit shëndetësor, ndërsa 31% identifikohen si trajnerë ose “coach”, dhe 28% si sipërmarrës. Një pjesë e tyre mbajnë më shumë se një rol në profilet online. Ndërkohë, 16% nuk deklarojnë asnjë lloj kualifikimi apo kredenciali.
Kategoria e profesionistëve të shëndetit përfshin një gamë të gjerë profesionesh, nga mjekët dhe infermierët, te dietologët, terapistët socialë, kiropraktikët dhe masazhatorët.
Raporti vjen në një kohë kur miliona përdorues marrin këshilla për shëndetin përmes platformave si TikTok, Instagram dhe YouTube, shpesh pa verifikuar burimin apo ekspertizën reale të personit që i shpërndan ato.
Sipas një artikulli të publikuar nga The Wall Street Journal�, ekspertët paralajmërojnë se ndikimi i këtyre figurave online po rritet ndjeshëm, ndërsa kufiri mes këshillës profesionale dhe marketingut personal po bëhet gjithnjë e më i paqartë./skyweb.al
