Bashkia Lushnjë ka shpallur sërish ankandin për shitjen e 70% të aksioneve të “Klubit të Futbollit Lushnja 1930” sh.a.
Ankandi është parashikuar të zhvillohet më 1 qershor 2026, në orën 10:00, me vlerë fillestare 9.853.946 lekë.
Klubi verdhejeshil është në tentativë shitjeje që prej vitit 2024, kur doli për herë të parë në ankand me një vlerë fillestare rreth 14 milionë lekë.
Megjithatë, procedurat e mëparshme nuk sollën blerës për paketën e aksioneve.
Edhe ulja e çmimit duket se nuk ka mjaftuar për të afruar ofertues seriozë.
KF Lushnja, klub me histori 94-vjeçare, aktualisht zotërohet 100% nga Bashkia Lushnjë.
Shpallja e re shihet si një tjetër përpjekje për të gjetur investitorë privatë për ekipin. /skyweb.al
