Wizz Air prezanton linjën e re direkte nga Tirana në Katania

Tiranë, 30 janar 2026 – Wizz Air po zgjeron më tej rrjetin e saj nga Shqipëria me nisjen e një linje të re direkte që lidh Aeroportin Ndërkombëtar të Tiranës me Katania-n, Itali, duke u ofruar pasagjerëve edhe më shumë mundësi udhëtimi të përballueshme drejt Evropës Jugore.

Rruga e re Tiranë – Katania do të operojë katër herë në javë, çdo të hënë, të mërkurë, të premte dhe të diel, duke ofruar mundësi të përshtatshme udhëtimi si për pushime, ashtu edhe për vizita tek familjarët dhe miqtë (RFP).

Shitja e biletave fillon më 30 janar, ndërsa fluturimi i parë do të realizohet më 4 maj. Çmimet fillojnë nga 19.99 EUR / 1,990 ALL, duke përforcuar angazhimin e Wizz Air për udhëtime ajrore të përballueshme.

Duke komentuar njoftimin, Vera Jardan, Menaxhere e Komunikimeve në Wizz Air, u shpreh: “Jemi të kënaqur të njoftojmë nisjen e rrugës sonë të re nga Tirana në Katania, duke forcuar më tej praninë tonë në Shqipëri dhe duke zgjeruar rrjetin tonë në Itali. Kjo lidhje e re ofron edhe më shumë mundësi udhëtimi me tarifa të ulëta për pasagjerët shqiptarë, ndërkohë që mbështet flukset turistike dhe lidhjen ekonomike mes Shqipërisë dhe Italisë. Ne mbetemi të përkushtuar për të ofruar udhëtime të përballueshme, të besueshme dhe të qëndrueshme për klientët tanë.”

E vendosur në bregun lindor të Siçilisë, Katania është një destinacion mesdhetar dinamik, i njohur për historinë e pasur, arkitekturën baroke, atmosferën e gjallë dhe afërsinë me malin Etna, vullkani më aktiv në Evropë. Qyteti ofron një kombinim unik të kulturës, gastronomisë dhe hijeshisë bregdetare, duke e bërë një destinacion tërheqës si për udhëtime të shkurtra urbane, ashtu edhe për pushime më të gjata.

Me këtë shtesë të fundit, Wizz Air vazhdon të forcojë lidhjet mes Shqipërisë dhe Italisë. Aktualisht, kompania ajrore ofron një rrjet prej 64 destinacionesh drejt 62 qyteteve në 20 shtete nga Shqipëria, duke rritur mundësitë e udhëtimit për banorët dhe vizitorët. Në vitin 2025, Wizz Air operoi pothuajse 31,000 fluturime nga dhe drejt Tiranës, duke transportuar mbi 6.5 milionë pasagjerë, me 99.83% të fluturimeve të realizuara, një nga normat më të mira të performancës në industri.

Që nga nisja e operacioneve në Shqipëri në vitin 2017, Wizz Air ka transportuar gati 20 milionë pasagjerë, ka krijuar mbi 500 vende pune direkte dhe ka mbështetur mbi 16,000 vende pune në industri të lidhura, duke nënvizuar angazhimin afatgjatë të saj ndaj tregut shqiptar.

Biletat për rrugën e re Tiranë – Katania janë të disponueshme në wizzair.com dhe përmes aplikacionit celularWizz Air.

DREJTIMI I RI I WIZZ AIR ME NISJE NGA TIRANA

DREJTIMI	FREKUENCA	TARIFA DUKE FILLUAR NGA	FLUTURIMI I PARË
TIRANA – KATANIA	E hënë, e mërkurë, e premte dhe e diel	1990 ALL	4 maj 2026

Rreth Wizz Air

Wizz Air operon me një flotë prej 259 avionësh Airbus A320 dhe A321. Një ekip profesionistësh të dedikuar në aviacion ofron shërbim superior dhe tarifa shumë të ulëta, duke e bërë Wizz Air zgjedhjen e preferuar të 63.4 milionë pasagjerëve gjatë vitit financiar 2025. Wizz Air është e listuar në Bursën e Londrës nën simbolin WIZZ. Kompania është vlerësuar gjithashtu si “Linja Ajrore me Koston më të Ulët më e Qëndrueshme” gjatë viteve 2021–2025 nga World Finance Sustainability Awards. Në vitin 2025, Wizz Air kryesoi renditjen e emetimeve ndër linjat ajrore kryesore, siç u prezantua nga Cirium, një kompani analitike e aviacionit, falë punës së saj në uljen e intensitetit të emetimeve. Së fundmi, në shtator 2025, Wizz Air u vlerësua me çmimin “Linja Ajrore e Qëndrueshme e Vitit 2025” në gala-mbrëmjen e Airline Economics Sustainability Awards.