Dollari amerikan ka shënuar një rritje të lehtë të vlerës gjatë fundjavës, duke e nisur javën aktuale në terren pozitiv. Mëngjesin e sotëm ai është blerë me 81 lekë dhe është shitur me 82.2 lekë, në krahasim me nivelet e javës së kaluar.
Sipas kursit të këmbimit në tregun vendas, monedha europiane nuk ka shfaqur luhatje të ndjeshme që prej të premtes së kaluar. Këtë të hënë, euro është blerë me 96.3 lekë dhe është shitur me 97 lekë.
Franga zvicerane, pas një jave mjaft pozitive, ka hyrë në një fazë rënieje gjatë këtyre ditëve. Ajo e ka nisur javën në zbritje, duke u blerë sot me 104 lekë dhe duke u shitur me 105.7 lekë.
Ndërkohë, paundi britanik ka ruajtur një stabilitet relativ, pa lëvizje të ndjeshme të vlerës. Ai është blerë sot me 110.8 lekë dhe është shitur me 111.8 lekë, sipas tregut të brendshëm valutor.
