edhe për qëndrimet e Elisa Spiropali. Deklaratat u bënë gjatë një bashkëbisedimi me botuesin e Koha Jonë, Nikollë Lesi, e transmetuar edhe në Facebook.
I pyetur nëse në PS po krijohen tensione të brendshme apo nëse “kazani” ka nisur të vlojë, ku u përmendën emra si Elisa Spiropali, Erion Braçe dhe Ogerta Manastirliu, Rama ndaloi fillimisht te Braçe.
“Unë di që Erion Braçja ka qenë ai që është dhe thotë, do mbetet ky që është, këtë di unë. Nuk më duket se ka ndonjë gjë të re në kuptimin që ai ashtu ka qenë, ashtu është, ashtu do jetë dhe ashtu duhet të jetë. Është ekzaktësisht një njeri që është vetvetja dhe s’ka asnjë gjë për t’u çuditur. Është vetvetja. Ashtu është ai”, deklaroi Rama.
Më tej, pasi Nikollë Lesi i kujtoi se të njëjtin qëndrim kishte mbajtur edhe Blendi Klosi, duke pyetur nëse bëhej fjalë për një linjë partie, Rama u përgjigj shkurt:
“Po ashtu është, ashtu është. Kush përpiqet ta imitojë, bën gabim.”
Biseda më pas u zhvendos te Elisa Spiropali. Pas ndërhyrjes së Lesit se Rama kishte shmangur komentin për të, kryeministri tha:
“S’ka gjë për të shënuar këtu. Çfarë ka?”
Kur u pyet nëse Spiropali rrezikon përjashtimin nga partia, duke iu referuar deklaratave të saj të fundit, Rama reagoi me një krahasim figurativ:
“Kush thotë ‘hajde, këtu më ke, më vrit’ e thotë ngaqë të do apo jo? Kështu që nuk duhen marrë …”
Pas ndërhyrjes së Lesit me komentin: “S’e ka humbur dashurinë për Skënderbeun”, Rama vijoi:
“Jo, jo, nuk duhen marrë literalisht këto gjëra. Janë krejt normale për sa kohë nuk prekin atë vijën e kuqe.”
Gazetari insistoi se, sipas tij, Spiropali e kishte kaluar “vijën e kuqe”, madje “dy herë”, duke përmendur edhe komentin e gazetarit Martin Leka, i cili ishte shprehur se do ta kishte përjashtuar menjëherë.
Në fund, Rama dha përgjigjen më të drejtpërdrejtë lidhur me këtë debat:
“Çdo njeri mund të gabojë. Kush ka dhënë kontribute mund të gabojë dhe herën e dytë, e treta pastaj e ndan.”
Ndërsa Lesi e interpretoi këtë deklaratë si një “shans të fundit” për Spiropalin, Rama shmangu përplasjen e mëtejshme politike me një përgjigje ironike:
“Jo, këto janë si titujt e ‘Kohës’, tonë të parës. Se këtu jemi për Kohën tonë, nuk jemi për këto situata, për këto, shko te doktori.” /skyweb.al
