Ndihmon në zbulimin e kancerit, testi i gjakut për të cilin po vihet bast

Ndërsa vëmendja publike është përqendruar kryesisht te testet për zbulimin e hershëm të kancerit — si testi Galleri i kompanisë Grail, i cili premton identifikimin e mbi 50 llojeve të kancerit tek persona të shëndetshëm — analiza e WSJ thekson se potenciali më i madh ekonomik aktualisht ndodhet në testet që monitorojnë rikthimin e sëmundjes pas trajtimit.

Këto teste, të njohura si “minimal residual disease” (MRD), analizojnë ADN-në tumorale në gjak për të zbuluar nëse qelizat kancerogjene janë rikthyer edhe para se të shfaqen në skanime tradicionale. Ekspertët besojnë se kjo teknologji mund të ndryshojë mënyrën se si monitorohen pacientët pas kimioterapisë ose operacioneve.

Sipas WSJ, një kompani ka krijuar një avantazh të rëndësishëm në këtë treg në zhvillim, duke tërhequr interes të madh nga investitorët dhe kompanitë farmaceutike. Testet e rikthimit të kancerit konsiderohen më të besueshme klinikisht sesa testet e depistimit të hershëm, pasi përdoren tek pacientë që tashmë kanë histori të konfirmuar të kancerit.

Analistët e tregut vlerësojnë se ky segment mund të gjenerojë miliarda dollarë në vit nëse teknologjia adoptohet gjerësisht nga spitalet dhe sistemet shëndetësore./skyweb.al