Arti Papajani është larguar nga detyra e drejtorit të Fondit të Sigurimit të Detyrueshëm të Kujdesit Shëndetësor.
Vendimi është marrë nga ministrja e Shëndetësisë dhe Mbrojtjes Sociale, Evis Sala.
Në vend të Papajanit është emëruar Ilir Topi, i cili do të marrë drejtimin e institucionit në vijim.
Papajani ishte emëruar në krye të FSDKSH në shtator të vitit 2025, gjithashtu me vendim të ministres Sala.
Deri tani nuk janë bërë publike arsyet zyrtare të largimit të tij nga detyra.
FSDKSH është institucioni që administron skemën e sigurimit të detyrueshëm të kujdesit shëndetësor dhe ka një rol kyç në financimin e shërbimeve shëndetësore publike dhe të kontraktuara. /skyweb.al
