Drejtoria e Përgjithshme e Tatimeve ka njoftuar hapjen e aplikimeve për kompensimin financiar të shoqërive të transportit publik, në zbatim të vendimit të Qeverisë.
Sipas njoftimit, nga kjo masë përfitojnë operatorët e transportit qytetës, rrethqytetës dhe ndërqytetës, të cilët do të kompensohen për konsumin e karburantit gjatë periudhës mars, prill dhe maj 2026.
Kompensimi financiar është përcaktuar në masën 50 lekë për litër karburanti, ndërsa vlera totale e fondit të parashikuar për këtë skemë mbështetëse është 250 milionë lekë.
Tatimet bëjnë të ditur se aplikimet duhet të paraqiten pranë Drejtorisë Rajonale Tatimore përkatëse, pas datës 10 të muajit pasardhës.
Afati i fundit për pranimin e kërkesave është data 1 gusht 2026.
Administrata tatimore u bën thirrje subjekteve që plotësojnë kriteret të aplikojnë brenda afateve ligjore, për të përfituar kompensimin financiar të parashikuar për transportin publik.
