Qendra Spitalore Universitare “Nënë Tereza” ka prezantuar këtë të hënë drejtuesen e re të institucionit, Rudina Degjoni, e cila merr zyrtarisht drejtimin e spitalit më të madh universitar në vend.
Sipas njoftimit zyrtar, Degjoni vjen në krye të QSUT-së pas një eksperience të gjatë në drejtim dhe menaxhim spitalor, duke sjellë një kontribut të rëndësishëm në administrimin dhe zhvillimin e shërbimeve shëndetësore.
Autoritetet shëndetësore vlerësojnë se përvoja e saj profesionale do të shërbejë për forcimin e mëtejshëm të kapaciteteve menaxheriale të institucionit dhe për përmirësimin e cilësisë së shërbimeve që ofrohen për qytetarët.
QSUT është institucioni më i madh spitalor në vend dhe mban peshën kryesore të shërbimeve terciare, trajtimit të rasteve komplekse dhe formimit universitar në fushën e mjekësisë.
Emërimi i Rudina Degjonit vjen pas lirimit nga detyra të ish-Drejtoreshës së Përgjithshme të QSUT-së, Anxhela Paparizo. /skyweb.al
