Ka nisur këtë të mërkurë shpërndarja e bonusit veror për pensionistët, një mbështetje financiare prej 5 mijë lekësh e miratuar nga qeveria për herë të parë në mesin e vitit.
Mësohet se vetëm gjatë orëve të para të ditës së sotme, bonusi është tërhequr nga rreth 33 mijë pensionistë.
Nga shpërblimi përfitojnë gjithsej 777 200 qytetarë, përfshirë pensionistët e pleqërisë, pensionistët socialë, përfituesit e pensionit të invaliditetit, pensionit familjar dhe trajtimeve të veçanta financiare.
Bonusi do të paguhet gjatë muajit korrik 2026 dhe mund të tërhiqet deri më 31 dhjetor 2026.
Efekti financiar për buxhetin e shtetit llogaritet në rreth 3.7 miliardë lekë.
Bonusi i verës i shtohet bonusit të fundvitit, që prej disa vitesh shpërndahet për pensionistët. /skyweb.al
