Administrata Tatimore njofton se ka rimbursuar 750 mijë euro për 4,535 individë, në kuadër të kthimit të tatimit të mbipaguar që ka rezultuar nga deklarata DIVA 2025.
Procesi i rimbursimit vijon edhe për individët e tjerë që rezultojnë përfitues.
Tatimet bëjnë me dije se për një pjesë të tyre procedura nuk ka mundur të përfundojë, pasi nuk kanë plotësuar të dhënat e llogarisë bankare në sistemin e-Filing.
Përfituesit duhet të regjistrojnë sa më shpejt të dhënat e llogarisë bankare, në mënyrë që shuma e rimbursimit të mund të transferohet.
Mesatarisht, shuma e kthyer deri tani rezulton rreth 165 euro për përfitues, megjithëse vlera konkrete ndryshon sipas tatimit të mbipaguar nga secili individ. /skyweb.al
