Autoriteti Rrugor Shqiptar (ARRSH) njofton se, në kuadër të punimeve për projektin “Zgjerimi i Superstradës Tiranë–Durrës, Faza III”, do të vijojë montimi i trarëve metalikë për mbikalimin e ri në Kashar.
Punimet do të zhvillohen gjatë netëve të 14 dhe 15 gushtit 2026, nga ora 23:00 deri në 05:00. Për garantimin e sigurisë së përdoruesve të rrugës, gjatë kësaj periudhe do të bllokohen dy korsitë e aksit kryesor në drejtimin Tiranë–Durrës.
Qarkullimi i mjeteve me destinacion Durrësin do të devijohet në dy korsitë e anës së majtë të autostradës, të cilat do të funksionojnë përkohësisht me dy drejtime lëvizjeje.
Ndërkohë, ARRSH sqaron se lëvizja e mjeteve me destinacion Aeroportin Ndërkombëtar të Tiranës do të vijojë normalisht, pa pengesa.
Autoriteti Rrugor Shqiptar u kërkon drejtuesve të mjeteve, bizneseve dhe banorëve të zonës mirëkuptimin dhe kujdesin gjatë orarit të punimeve. /skyweb.al
