Dollari amerikan e ka nisur edhe këtë javë në pozita të dobëta përballë lekut. Sipas kursit të këmbimit në tregun vendas, dollari është blerë këtë të hënë me 78.6 lekë dhe është shitur me 79.8 lekë, duke shënuar një rënie krahasuar me javën e kaluar.
Edhe euroja e ka nisur javën me një tendencë të lehtë në rënie, ndonëse ndryshimet në kuotë mbeten të moderuara. Monedha europiane është blerë sot me 92 lekë dhe është shitur me 92.8 lekë.
Në të njëjtën linjë është edhe franga zvicerane, e cila ka humbur pikë gjatë fundjavës. Referuar tregut të brendshëm valutor, franga është blerë mëngjesin e kësaj të hëne me 98 lekë dhe është shitur me 99 lekë.
Ndërkohë, paundi britanik është valuta e vetme që e ka nisur këtë javë me rritje. Krahasuar me një javë më parë, paundi është blerë sot me 107.2 lekë dhe është shitur me 108.4 lekë.
