Ish-drejtoresha e Agjencisë Kombëtare të Shoqërisë së Informacionit, Mirlinda Karçanaj, qëndroi për më shumë se 3 orë e 20 minuta në Prokurorinë e Posaçme, ku u mor në pyetje lidhur me tenderat e institucionit që drejtonte.
Karçanaj u paraqit në ambientet e SPAK e shoqëruar nga avokatja e saj. Pyetjet e prokurorëve u përqendruan te procedurat e prokurimit të zhvilluara gjatë periudhës kur ajo ishte në krye të AKSHI-t.
Ish-drejtoresha po hetohet për dyshime për korrupsion, shkelje të barazisë në tendera dhe përfshirje në grup kriminal. Ndaj saj është caktuar nga GJKKO masa e sigurisë “Detyrim paraqitje”.
