Kompania teknologjike Apple ka prezantuar gjeneratën më të re të kufjeve të saj pa kabëll, AirPods Pro 3, të cilat do të dalin në treg më 19 shtator dhe do të kushtojnë 249 dollarë.
AirPods Pro 3 vijnë me disa përmirësime të theksuara krahasuar me modelin e mëparshëm, AirPods Pro 2. Ndër ndryshimet më të dukshme në pjesën e zhurmës ambientale, që sipas Apple bllokon dyfish më shumë zë nga jashtë. Gjithashtu, bacteria është përmirësuar. Kufjet ofrojnë deri në 8 orë përdorim me ANC (anullim aktiv të zhurmës) dhe deri në 10 orë në modalitetin “hearing aid”, që u mundëson përdoruesve të dëgjojnë më qartë zërat përreth.
Megjithatë, kutitë e karikimit në këtë version ofrojnë pak më pak jetëgjatësi të përgjithshme, duke zbritur nga 30 orë (në Pro 2) në 24 orë. Nga ana tjetër, vetë kufjet janë ridizajnuar për të qenë më komode dhe më të përshtatshme për forma të ndryshme veshi.
Për herë të parë, AirPods Pro 3 përfshijnë edhe sensorë të rrahjeve të zemrës, që lidhen me aplikacionin Apple Fitness dhe sistemin Apple Health. Apple ka prezantuar gjithashtu edhe funksionin Live Translation, që ofron përkthim në kohë reale të bisedave, nëpërmjet iPhone-ve që mbështesin teknologjinë e re “Apple Intelligence”. Ky funksion është aktualisht në versionin beta.
Në aspektin e dizajnit, kutia e karikimit ka pësuar një ndryshim të vogël, pasi është hequr butoni fizik për lidhje me pajisje jo-Apple, ndërsa lidhja tani bëhet përmes vetë kufjeve duke përdorur komandë me prekje. /Skyweb.al
